Вайна хууш ма-хиллара боккха тидам ненан маттана тIеберзийна Россин Турпалхочо, Нохчийн пачхьалкхан Мехк-Дас Кадыров Ахьмад -Хьаьжин Рамзана.

     Доккха беркат а, ниIмат а ду нохчийн маттана цо шен терго йар. Цу тIе а доьгIна, республикехь дIахьош ду цхьаьнакхетарш, семинараш, поэзина лерина суьйренаш.

       Иштта чиллин  беттан 21чу дийнахьВеданан №2 йолчу йукъардешаран ишколехь  нохчийн меттан а, литературин а хьехархочо Эрсамиков Мохьмадан Джамиляс а, Гатаев Хьасанан Таисас а дIайаьхьира  дуьненахь Ненан меттан де даздарна тIе а йоьгIна "Хьанна хIун хаьа?" цIе йолу  Викторина.

      Цу Викторинехь  дакъалецира 7-8 чу классийн дешархоша. Шайн къоман мотт а, истори а, литература а мехала хилар, йезаш хилар гайтира дешархоша.

      Директоран гIоьнча йолчу Магамедов Лоьмин Розас  шен къамелехь билгалдаьккхира.

      Со тешна йу, иштта хьехархой а, дешархой а мел бу, нохчийн мотт дIатесна буьтур цахилар. Вешан меттан а, мехкан а хазна хазйарехь Аллах1-Дала аьтто бойла вайн!